Dega Maarif Elbasan është prova më e mirë se mundi dhe përkushtimi, në një besim reciprok mes nxënësve dhe mësuesve, janë rruga e sigurt drejt suksesit.

E nisur që në vitin e parë me Shkollën e Mesme, ne jemi krenarë që këtë vit zgjerojmë me Arsimin Bazë duke përfshirë integrimin e Sistemit të Kembrixhit, aktivitetet pas shkollës, si dhe aktivitete shkencore.

Ne synojmë një model arsimor të balancuar, mes nevojave të fëmijëve, pasionit të të rinjve, synimeve të prindërve për edukimin e tyre dhe potencialeve që ata fshehin. Stafi ynë akademik, me një përvojë disavjeçare në arsim, mbështet studentët që të bëhen të përgjegjshëm, reflektues dhe të angazhuar në jetë.